အလုပ်သမား အလုပ်အကိုင်နှင့် လူမှုဖူလုံရေးဝန်ကြီးဌာနရဲ့ လမ်းညွှန်မှုနဲ့ လှိုင်သာယာစက်မှုဇုံ စီမံခန့်ခွဲရေးကော်မတီကနေ ကြီးမှုးကျင်းပတဲ့ အလုပ်အကိုင် အခွင့်အ လမ်းပြပွဲနဲ့ စက်မှုထုတ်ကုန် အထူးဈေးရောင်းပွဲတော်ကို ၂၀၁၄ ခုနှစ် မေလ ၉ ရက်နေ့က လှိုင်သာယာစက်မှုမြို့ မိုးလုံ၊ လေလုံ အားကစားရုံမှာ ကျင်းပပြုလုပ်ခဲ့ပါတယ်။ အဲဒီပွဲကို ရန်ကုန်တိုင်းဒေသကြီး မြို့တော်ဝန် ဦးလှမြင့်၊ စက်မှုနှင့် လျှပ်စစ်ဝန်ကြီး ဦးဉာဏ်ထွန်းဦး၊ ရန်ကုန်တိုင်းဒေသကြီး အလုပ်သမားဝန်ကြီး ဦးဇော်အေးမောင်၊ လှိုင်သာယာစက်မှုဇုံ စီမံခန့်ခွဲရေးကော်မတီဥက္ကဌ ဦးမြတ်သင်းအောင် တို့ကဖဲကြိုးဖြတ်ဖွင့်ပြီး အလုပ်သမား အလုပ်အကိုင်နှင့်လူမှုဖူလုံရေးဝန်ကြီးဌာန ပြည်ထောင်စု ဝန်ကြီးဦးအေးမြင့်၊ ရန်ကုန်တိုင်းဒေသကြီးဝန်ကြီးချုပ် ဦးမြင့်ဆွေတို့က စက်ခလုတ်နှိပ်ကာ ပြပွဲကိုဖွင့်လှစ်ပေးခဲ့ပါတယ်။ အဆိုပါပြပွဲကို မေလ ၉ ရက်နေ့ကနေ ၁၁ ရက်နေ့ထိပြုလုပ် ကျင်းပမယ်လို့သိရပြီး Fame Pharmaceutica ၊ One Tea နို့ဆီ ၊ Rich Coffee ၊ GP Battery ၊ Tokyo Pipe အစရှိသည့် လုပ်ငန်းပေါင်း ၅၀ ခန့်ကနေပြီး ဝင်ရောက်ပြသပြီး ဝန်ထမ်းများကိုလည်း ခေါ်ယူလျှက်ရှိကြောင်း သိရှိရပါတယ်။ ပွဲမှာ အလုပ်လျှောက်လိုသူ များအနေနဲ့ တိုက်ရိုက်လျှောက်လွှာများတင်ပြီး အလုပ်များလျှောက်ထားနိုင်ကြောင်း သိရပါတယ်။ 
